14:37 ACHCHIQ DARDGA – ACHCHIQ PIYOZ DAVO | |
Shamollash va tumovga qarshi samarali malham sanalmish shifobaxsh piyoz ayollarning go`zallikka daxldor muolajalarida ham benazir vosita bo`la oladi. So`gal va piyoz So`galdan xalos bo`lish uchun piyoz po`stidan tayyorlangan malhamni surtish kerak. Ya`ni piyoz po`stini yaxshilab maydalagach, uni 3:1 nisbatda eritilgan qo`y yog`i bilan aralashtirish lozim. Agar hayvon yog`ini qo`llashni istamasangiz, dorixona vazelini yoki istalgan yog`li kremdan foydalanishingiz mumkin. Ushbu malhamni kuniga bir bor uyqudan avval so`gal ustidan surtasiz va doringizni sovutgichda saqlaysiz. Darmondorilar xazinasi Organizmning umumiy holatini yaxshilash uchun 1 piyola piyoz po`stini 1 litr qaynagan suvda 20 daqiqa damlab, kuniga 3 – 4 marta ichib turing. Darmonsizlikni bartaraf etishda piyoz po`sti va foydali mevalardan tayorlangan damlama juda qo`l keladi. Bunday shifobaxsh ichimlikni tayyorlash uchun 2 osh qoshiq maydalangan piyoz po`sti, 1 osh qoshiq na`matakka 2 stakan qaynagan suv solib, issiq turishi uchun 2 soat o`rab qo`ying. So`ng uni suzib olib, kuniga besh osh qoshiqdan uch mahal iste`mol qiling. Varikoz muolajasi Ayollarning ashaddiy dushmanlaridan biri hisoblanmish varikozni davolash va uning oldini olish uchun ham piyoz ko`makka keladi. Varikoz profilaktikasida oyiga ikki marta 3-4 litr piyoz po`sti damlamasidan oyoq uchun vanna qabul qilish lozim. Agar kasallik belgilari paydo bo`la boshlasa, piyozli malham sizga yordam beradi. Buning uchun: bir piyola maydalangan piyoz po`sti 100 ml. o`simlik yog`i 2 choy qoshiq olma sirkasi Bularning barini aralashtirib, o`n to`rt kun salqin joyda saqlash lozim. Davolash usuli: Uyqu oldidan avval piyoz damlamasi bilan 20 daqiqa vanna (oyoq uchun) qabul qilinadi. So`ng oyoqni sovuq suvda chayib, tayyor malhamdan surtiladi. Sochlarim jiloli bo`lsin desangiz 2 osh qoshiq piyoz po`stini 2 st. qaynagan suvda 6 soat damlab, soch ildiziga surtish kerak va 30-40 daqiqadan keyin chayib tashlanadi. Ikki oy mobaynida haftasiga ikki bor shunday muolaja qilsangiz, natijasidan mamnun bo`lasiz. Shuningdek, piyozli damlama tabiiy bo`yoq hisoblangani uchun sochga oltinrang jilo beradi. Ajinlar kushandasi Bir dona piyozni po`sti bilan birga yumshoq bo`lgunicha qaynatasiz. So`ng ezib, yog`li smetana yoki qatiq bilan (1:1 nisbatda) aralashtirasiz va yuzingizga surtasiz. Oradan 15-20 daqiqa o`tgach esa so`ng iliq suv bilan chayasiz. | |
|
Всего комментариев: 0 | |